السمك الفيليه بصوص البقدونس

المكونات

كيلـو سمك فيليه

حزمة بقدونس (الأوراق فقط)

1/2 حزمة كزبرة (الأوراق فقط)

1/2 كوب عصير ليمون

1/2 كوب زيت زيتون

1/2 كوب زيت ذرة

ثوم مفروم

ملح وفلفل

كوب كبير دقيق

كوب كبير ماء

شرائح طماطم” للتزيين”

طـريقة التـحـضـيـر

1- هاتي الثوم واخلطيه مع البقدونس والكزبرة و1/4 كوب مية في الخلاط أو الكبة، بعد كده ضيفي إليهم 1/4 كوب زيت زيتون واضربيهم مرة كمان.

2- هاتي السمك واغسليه كويس، بعد كده تبليه في تتبيلة السمك المكونة مـن (أربع فصوص ثوم مفرومين + ملح وفلفل وكمون وقرن فلفل أحمر مفروم)، واخلطي السمك كويس بالتتبيلة دي، ورشي عليه عصير الليمون، وسيـبيه لمدة ساعة كاملة علشان يتبل كويس.

3- هاتي الدقيق وحطيه في طبق، وضيفي إليها نصف كوب مية وعصير نصف ليمونة، وشوية كمون وقلبيهم مع بعض كويس، وبعد كده حطي السمك المتبل في الخليط ده.

4- سخنـي زيت الذرة كويس في طاسة كبيرة، وحمري فيه السمك لغاية ما يـبقى لـونه ذهبي، وبعد كده شيليه مـن الطاسة وحطيه في الطبق.

5- هاتي طاسة تانـية وحطي فيها زيت الزيتون، وبعد كده ضيفي إليهم مزيج البقدونس والملح والفلفل والكزبرة، وحطيهم لمدة دقيقة على النار وقلبيهم مع بعض كويس، وبعد كده صبي الخليط ده فوق السمك في طبق التقديم، وزينـي الطبق بأوراق البقدونس؛ وممكن مع الطبق ده إنك تعملي طبق بطاطس أو طبق رز أبيض.

(المصدر : cooks4arab.com – انقر هنا لقراءة الوصفة من مصدرها.)